 |
| sad ghazal |
صرف اک تیرے لئے آنکھ یہ تر تھوڑی ھے
مجھ پہ کیا گزری ھے یہ تجھکو خبر تھوڑی ھے
ڈر ھے جو مجھکو بھلا تجھکو وہ ڈر تھوڑی ھے
میرے کاندھوں پہ کوئی تیرا یہ سر تھوڑی ھے
اب تو بنتا ھے میرا گرنا ہر اک ٹھوکر پر
اب تیری مجھ پہ وہ پہلی سی نظر تھوڑی ھے
تجھے نیندیں ھوں مبارک ھو تیری صبح حسیںن
تیرے خوابوں میں بھلا میرا گزر تھوڑی ھے
ساتھ چلتا ھے سدا موڑ جدائی والا
یہ محبت کوئی آسان سفر تھوڑی ھے
ہر مسافر کو ھے درکار گھنا سبز درخت
مجھ سا بے سایہ و بے سود شجر تھوڑی ھے
کیسے نادان طبیبوں سے پڑا ھے پالا
جہاں ڈھونڈیں ھیں میرا دل وہ ادھر تھوڑی ھے
دور کیسے ھوں شکایات حسن والوں کی
میری قدرت میں بھلا شمس و قمر تھوڑی ھے
عشق نے مار دیا مار دیا مار دیا
شور مت کیجے کوئی تازہ خبر تھوڑی ھے
شہر لٹتا ھے لٹے میری بلا سے صاحب
ابھی آباد کوئی میرا یہ گھر تھوڑی ھے
رنج، غم، درد و الم ، ہنس کے اٹھا لیتے ھیں
ہم نے اک اسکے سوا سیکھا ہنر تھوڑی ھے
دست و پتھر سے بھلا کیسی شکایت زیبی
کوچہِ جاناں کو یہ غیر کا سر تھوڑی ھے
۔۔۔